راديو سما

جاتلك دعوة؟

أضيف بتاريخ 06/10/2018
Koky Adel

ايه شعورك لما تجيلك دعوة فرح؟

-اهتمام

طيب و لما يبقي معاها دعوة للريسبشن  ؟

-انا قريب و محبوب

طيب و لو الدعوة دي لحدث عام و مهم يعني مثلا لحفلة في الاوبرا ؟

-واو ابقي مهم اوييييي

و لو صاحب الحدث نفسه هو اللي بعتها ؟ عمر خيرت مثلا ؟

-دا انا محدش يعرف يكلمني

معلش هو حضرتك بتشتغل ايه و وضعك الاجتماعي شكله ايه ؟

…….

اعظم حدث في تاريخ البشريةاللي بيه اتقسم التاريخ نصين . اللي السما احتفلت بيه بجمهور من الملايكة بترنم . ميلاد المسيح . راحت دعوة بيه للرعاة و كانوا اول ناس يحضروا . لان صاحب الحدث بنفسه دعاهم .

لو حاسس انك مش مهم . مفيش انجاز عظيم في حياتك . وجودك مش ملحوظ لناس كتير . مالكش مكانه اجتماعية.احب اوصلك دعوة شخصية جدا  . انت VIP. اهلا بيك في مملكة الله .

وتمر سنين و سنين و يفضل الناس طبقيين و عنصريين وبرضه يفضل قلبه زي ماهو. هو اللي قبل زكا و متي المكروهين و اتباعه كانوا الصيادين الغلابه و وقف عشان يكلم السامرية و لسه  عند وعده :تعالوا الي …. و انا اريحكم

رشا عزب